රුසියන් - යුක්රේන් යුද පිටියට මෙරට විශ්‍රාමික හමුදා නිලධාරීන් කුලී හේවායින් ලෙස යැවීමේ ජාවාරමට සම්බන්ධ හිටපු මේජර් ජෙනරාල්වරයකු සහ හිටපු සාජන් මේජර්වරයෙක් කුරුණෑගලදී අත්අඩංගුවට ගනු ලැබ ඇත. මේ යුද්ධය සඳහා ලංකාවේ සෙබළුන් යැවීම සම්බන්ධයෙන් මේ පුවත්පත අනාවරණ රාශියක්ම කළ අතර කතු වැකි කීපයක් ද ලියා ඇත. යුක්‍රේන් - රුසියන් යුද පිටිය තුළ ශ්‍රී ලාංකික කුලී හේවායින් 600 ට වඩා සිටින බව කියන ලබන නමුදු එම ගණන දහසක් පමණ වෙතැයි අපගේ ඇස්තමේන්තුව වී තිබේ. පසුගිය දිනවල ලංකාවේ රුසියන් තානාපති කාර්යාලය අතර ඒජන්සි කාක්කන් කිහිපදෙනකු නිරන්තරයෙන් පියඹා යන අයුරු දක්නට ලැබිණ. මේ පිළිබඳව අපරාධ පරීක්ෂණ දෙපාර්තමේන්තුවට දැන්වීමෙන් මෙයට එරෙහි ව්‍යාපාරයට අපි සක්‍රීය වශයෙන්ම දායක වුණෙමු. යුක්‍රේනයට සහ රුසියාවට කුලී හේවායන් ලෙස බඳවා ගත් පිරිස ලංකාවෙන් යන්නේ ලක් රජයේ කිසිදු අනුදැනුමකින් තොරවය. ඔවුන් රුසියාවට ඇතුළු කරනු ලබන්නේ සංචාරක වීසා මාර්ගයෙනි. මාස තුනට දෙන මෙම සංචාරක වීසාවෙන් යුද පිටියට පිවිසීමට පෙර ඔවුහු රුසියාවේ වැග්නර් කුලී හමුදාව සමග ගිවිසුමකට බැඳෙති. රුසියාවෙන් බිහිවුණු වැග්නර් හමුදාව...