වල් අලි පහරදීම්වලින් හානියට පත්වන පවුල්වල දූ දරුවන්ගේ අධ්‍යාපන කටයුතු සඳහා ජනාධිපති අරමුදලෙන් වන්දි ගෙවීමට ජනාධිපති අනුර දිසානායක තීරණය කර තිබේ. ජනාධිපතිතුමා මේ කාරණයට මේ විදිහට අතදැමීම අපගේ ගෞරවයට හේතුවකි. මේ ආධාර මෙසේ ගෙවන අතර, ජනාධිපති අරමුදලේ ආදායම වැඩි කර ගැනීම සඳහා වැඩපිළිවෙළක් ද යොදන්නේ නම් මැනවි. මෙහිදී තවත් වැදගත් යමක් කිව යුතුව තිබේ. රජයේ ඇමැතිවරයකු වන බිමල් රත්නායක, ලංකාවේ අලි ප්‍රශ්න දෙකක් පවතින බවත්, ඉන් එකක් කකුල් දෙකේ අලි ප්‍රශ්නය බවත්, අනෙක කකුල් හතරේ අලි ප්‍රශ්නය බවත් කීවේය. කකුල් දෙකේ අලි ප්‍රශ්නය දැනටමත් විසඳා ඇති බවත්, මේ අලි කවදාවත් ආපසු හිස නොඔසොවන බවත් හෙතෙම තවදුරටත් කියා සිටියේය. බිමල් රත්නායක මේ කියන්නේ යූ.එන්.පී. එක ගැනය. යූ.එන්.පී.ය මේ වනවිට චූටි චූටි කෑලිවලට කැඩී ක්‍ෂුද්‍ර ජීවීන් සමූහයකගේ තත්ත්වයට පත්ව තිබේ. එහෙත් මේ පක්‍ෂය මතු යම් දවසක හිස ඔසොවන්නේ නැති බව ප්‍රකාශ කිරීමෙන් විද්වත් ඇමැතිතුමන් වැළකිය යුතුය. 88, 89, 90 දී ජනතා විමුක්ති පෙරමුණ මර්දනය වූ ආකාරය ගැන ඇමැති බිමල් මෙනෙහි කළ...